Adhoori Aarzoo…

Diye “Aarzoo” ko woh gham zindagee ne, Keh miT hee gayee aarzoo zindagee ki…

qalb.e bekul nah kyuun saNbhalne lage

Aarzoo on Nov-10-2008

mere daaman men Khaar aate haiN
aur sadaa beshumaar ate haiN

tere gham ki hawaoN ke jhoNke
bun ke baad.e bahar aate haiN

apni mehfil se is tarah na uthaao
hum kahaN baar baar aate haiN

qafile meN bhi rahtee hooN tanha
saath yuun tou hazaar aate haiN

qalb.e bekul nah kyuun saNbhalne lage…
jab woh bunke qaraar aate haiN

dil ke gulshan men roz unke Khiyaal
bunke fasl-e bahar aate hai

dil se pooche koyee safeenoN ke
kaisee darya ke paar aate haiN

“Aarzoo” aao unke kooche meN
chuNd lamhe guzaar aate haiN

“aarzoo”

Posted under Ghazals, My Fav Poems
6 comments

Teri Yaad Ki Khushboo

Aarzoo on Oct-17-2008


Shub thee aur maiN tanha
Aur hawa ka ik jhonka
Teri yaad ki Khushboo
Saath leker aaya tha

Mujh ko yuun laga jaise
Tou hai mere pahloo meN
Tere tun ki Khushboo se
Dil mahak uTha mera

Teri garm saNson se
Jism jal gaya mera
Kya tapish thee saansoN meN
Rooh tak jhulas uThThi

Such to bus yehee hai tou
Mujh se door hi kub tha
Jaan.o.dil men rahta hai
Door ho nahi sakta

Mere aansoo.oN men tou
Meree har Khushee meN tou
Tou hai mere khuwaaboN meN
aur tou hi khayaaloN meN

Mere dil meN basta hai
Door kaise jayega
Mujh se door raih ker bhi
Door raih na payega

July 10, 2008

Posted under My Fav Poems, Nazm
4 comments

muskurahaT aur laboN me ab koyii rishta nahiN

Aarzoo on Oct-4-2008

Is dil.e majboor ki faryaad tujh ko kya khabar
kya hai armane dil.e nashaad tujh ko kya Khabar
Umr bhar hum kis Tarah taRpe haiN tere pyaar meN
Kis tarah se hum huwey barbaad tujh ko kya khabar
Kum se kum itna huuwa veeraaniyaan tou miT gayeeN
Teri yaaadoN se hai dil aabaad tujh ko kya khabar
muskurahaT aur laboN me ab koyii rishta nahiN
qaid.e Gham se dil nahiN azaad tujh ko kya khabar
ab hamare dil ke ghar men koii gunjaaiish nahiN
hai harik goshe meN teri yaad tujh ko kya Khabar
 

“Aarzoo” ke dil ko milta hai ghazal kah ker sukoon
Uska dil deta hai usko daad tujhko kya Khabar

 September 03, 2008

 

 

Posted under Ghazals, My Fav Poems
9 comments

“Aarzoo” Eid usee din mire ghar hoti hai

Aarzoo on Oct-1-2008

Posted under Ghazals, My Fav Poems, My poems in images
2 comments

Teri Dulhan Ko Ai Sajan !!!

Aarzoo on Sep-30-2008

dil ke armanoN ki mahak se
aa usko mahka dooN aaj
apne zakhm-e dil ke lahoo se
mehNdee uske lagaa dooN aaj
teri dulhan ko ai sajan !
aa maiN khud hi saja dooN aaj
apne armanoN ke zewar sub
usko pahna dooNgee
apni moHabbat ke phooloN se
uskee sej saja dooNgeee
teri dulhan ko ai sajan !
aa maiN khud hi saja dooN aaj

 

maiN kya aur meri KhushiyaN kya
jaise bhi ho jee looNge
zahr ko maiN amrit samjhooN gee
aur Khushee se pee looNgee
teri dulhan ko ai sajan !
aa maiN khud hi saja dooN aaj
bus yeh tamanna hai is dil ki
tera gulistaan ho aabaad
tere gham mil jayeeN muj ko
aur rahe tou har pal shaad
teri dulhan ko ai sajan !
aa maiN khud hi saja dooN aaj
meri Khata kuch aur nahiN
ik pathar dil ko chaahaa tha
usko bana ke aarzoo apni
dil meN usey chupaaya tha
teri dulhan ko ai sajan !
aa maiN khud hi saja dooN aaj
June 26, 2008

 

Posted under General, My Fav Poems, Nazm
Add comments

Main jab se tere gham meN giraftaar ho gayi

Aarzoo on Sep-30-2008
Kuch is qadar jafa-e sitamgaar ho gayi
Yeh zindagee hamari ik aazaar ho gayi

Main jab se tere gham meN giraftaar ho gayi
Jeene ki raah aur bhi dushwaar ho gayi

Mera yeh jurm hai keh luTaya kisee pe dil
Kar ke Khata.e ishq Khatawaar ho gayee

Aakhir panaah maut se hi maangna paRee
jab zindagee ke qahr se bezaar ho gayee

Tujh ko bhulana teri moHabbat ko bhoolna
Koshish tou kee thee hum ne bhi bekaar ho gayi

Duniya se aaj usko umeed.e wafa nahi
Lagta hai “Aarzoo” bhi samajhdaar ho gayee

July 13, 2008
Posted under Ghazals, My Fav Poems
3 comments

Ai saba unko yeh Khabar kar de

Aarzoo on Sep-20-2008
Ik d’ua meree ba-asar kar de
Shub ki Ma’bood ab sahar kar de

Lutf GairoN pe hai tira ai dost
Ek pal mujh pe bhi nazar kar de

Deke aab.e Hayat.e deed mujhe
Tishnagee meri muKhtasar kar de

Dil meN jo aatish.e moHabbat hai
Ai Khuda is ko teztar kar de

Umr uski daraz ho ya Rab!
Aur mire umr muKhtasar kar de

Koyee baiTha hai raah meN kub se
Ai saba unko yeh Khabar kar de

Aazmaana hai “Aarzoo” ko agar
Aur purKhaar raihguzar kar de

Posted under Ghazals, My Fav Poems
3 comments

Khwaab

Aarzoo on Sep-19-2008

Khwabon ka to kya bharosa ye to har dam tootTe hai
Ankhein mal ke dekh zara khwaab to tere samne hai !!!

Posted under 2 & 4 liners sher
2 comments

God help me nurse my bruised emotions n heart

Aarzoo on Sep-19-2008


You’ve taken away my faith & my dreams
The pain of love overflows to the brim
By turning out to be cold & insensitive
You have killed the urge in me to live
You intoxicated my every sense
But poisoned my heart with your indifference
Didn’t you realize a little mistake from you
Would shatter my faith n love in you
The heart I gifted you full of love with such ease
Ohh so mercilessly you broke into a million piece
I see my love shattered n bruised to the core
As every little thing disturbs me n i cry more
I can’t collect the scattered pieces of my faith
God help me nurse my bruised emotions n heart
Rest ur hand on my broken heart soothe that pain
Please light the candle of hope for me once again

Posted under English Poems
Add comments

Meri jaan aa tujh ko jeena sikha dooN

Aarzoo on Sep-18-2008

Tire runj lekar Khushe tujh ko de dooN
Qareeb aa keh aaGhosh meN tujh ko le looN
Meri jaan aa tujh ko jeena sikha dooN

Yeh mana nazar se bohat door hai tou
Magar dil ka chain aaNkh ka noor hai tou
Meri jaan aa tujh ko jeena sikha dooN

maiN daaman se aaNsu tire poch looNgee
tujhe kya Khabar kis qadar pyaar dooNgee
Meri jaan aa tujh ko jeena sikha dooN

Khudara sanam mera ik kaam kar dey
Keh apne sabhi gham mire naam kar dey
Meri jaan aa tujh ko jeena sikha dooN

Mire pyaar ki tujh pe barsaat hogee
keh meri doa har qadam saath hogee
Meri jaan aa tujh ko jeena sikha dooN

Tire zulm ko bhi main haNs ker sahooNgee
Harik runj sah ker maiN chup hi rahooNgee
Meri jaan aa tujh ko jeena sikha dooN

Shikayat se tujhko bhalaa kya milega
keh shikwe giloN se tou dil hi jalega
Meri jaan aa tujh ko jeena sikha dooN

Jo veerana hai usko gulshan bana dey
keh tanhaaiyoN ka nishaN hi miTa dey
Meri jaan aa tujh ko jeena sikha dooN

Mira pyaar tou maiN tire justjoo hooN
Keh jaisee bhi hooN main tiree Aarzoo hooN
Meri jaan aa tujh ko jeena sikha dooN

Posted under My Fav Poems, Nazm
3 comments

In Search Of Peace

Aarzoo on Sep-14-2008

Posted under My poems in images
4 comments

Khauf-e-Khuda ab rahaa nahiiN

Aarzoo on Sep-14-2008

Posted under My poems in images
3 comments
« Previous Entries